اطمنى

وتطبطب عليا و تقولى ما تزعلشى
وتدارى الدمعة جواها ما تنزلشى
اخدها فى حضنى احميها
والدمعة جوايا اخبيها
واقولها
ما تقلقشى
تِطَمنى لجل ما اتطمن
و اطمنها لجل تطمن
وندعى ربنا علينا يمن و يحنن

و اقولها اطمنى
انا جمبك دايما حتى فى بعادى
ومهما كلاب الليل عليكى تنادى
ولو كل الخلق قالك بحبك
ولو كل البشر خطبوا ودك
ولو بينى و بينك الف سور
وعسكر و داخلية و مطاطى
لجيلك برده يا بلادى
وارجعلك عقدك من تانى
يزين جيدك من تانى
ويضحكلى
واسمع ضحكتك بودانى
ترد الروح فى جثتى الهامدة
وانزلك جرى من السما السابعة
فى زفة من اخواتى الشهداء
نسَمَّع كنب ماهيش سامعة
واضمك ليا وبقوة
بس المرة دى
من غير دمعة


1-12-2011